Хуссар Ирыстоны скъоладзаутæ ирон æвзаг æмæ литературæ ахуыр кæнын райдыдтой ног чингуытæм гæсгæ

Цæгат Ирыстоны фæнд кæнынц санаторон туризмы райрæзтыл бакусын. Ныхас цæуы дзæбæхгæнæн суадæтты цур инфраструктурæ саразын. Сбæрæг кæндзысты республикæйы 20 дзæбæхгæнæн суадоны. Уый тыххæй фехъусын кодта туризмы комитеты сæрдары хæстæ æххæстгæнæг Хъодзаты Зауырбег. Суадæттæн сæрмагонд иртæстытæ куы саразой, уæд уыцы донгуырæнты цур гæнæн ис æмæ фæзыной ног санаторон-курортон бæстыхæйттæ. Ахæм объектты арæзтадæн республикæйы хицауад агурдзæн инвесторты. Бизнес-пълан саразын æмæ хъуыддагыл бæстонæй бакусын республикæйы сæргълæууæг Битарты Вячеслав бабар кодта экономикон райрæзты министрадæн. Уыимæ, хæххон территориты райрæзты программæмæ фæнд кæнынц бахæссын æнæниздзинадæн пайда чи хæссы, ахæм зайæгойтæ, минералон дæттæ, стæй дзæбæхгæнæн цъыфы бынæттæ ссарын æмæ сыл бакусын. Зайæгойтæ æмæ кæрдæджытæ æмбырд кæндзысты хæххон уæлвæзты æмæ сæ иртасдзысты алывæрсыгæй. Хуссар Ирыстоны скъоладзаутæ ирон æвзаг æмæ литературæ ахуыр кæнын райдыдтой ног чингуытæм гæсгæ. Бацæттæ сæ кодта республикæйы ахуырад æмæ наукæйы министрад. Сæ ныффыссыныл бирæ рæстæг ацыд. Экспертты хъуыдмæ гæсгæ, чингуытæ рауадысты цымыдисаг, рæсугъд æмæ ирд нывтимæ. Æвзагзонынады къабазы специалисттæ, ахуыргæнджытæ, сæ сæргъы профессор Битарты Зоя афтæмæй чингуытыл зæрдæргъæвдæй архайдтой, цæмæй алы скъоладзау дæр æрмæджытæ æнцонæй æмбара æмæ ахуыр кæна. 1-аг æмæ 2- аг къласы ахуырдзаутæн чингуытæ бацæттæ кодта Битарты Зоя. Ныридæгæн чингуытæ адих кодтой скъолаты ’хсæн. Ахуыргæнджытæ куыд бафиппайдтой, афтæмæй сæ æнтыстджынæй пайда кæнынц.  Райдиан кълæсты скъоладзаутæ ныр ахуыр кæнынц  программæ «Ног фæлтæр»-мæ гæсгæ. Æрмæг цæттæгæнгæйæ сæйрагдæр домæн уыд, цæмæй сывæллæтты хъуыды кæной иронау.  Чингуытæ рауадысты цымыдисаг, бахастой сæм рæсугъд æмæ ирд нывтæ. Дамгъæтæ сты ставдæй фыст. Сывæллæттæ дæр уæдæ цин кæнынц. Кæд ахуыры рæстæгæй бирæ нæ рацыд, уæддæр ахуыргæнджытæ ныридæгæн зæгъынц: «Ног чингуытæм гæсгæ ахуыр кæнын, сывæллæттæн у æнцондæр». Раздæры чингуытæ сывæллæттæм æвзарын кодтой къуылымпыдзинæдтæ. Уымæн æмæ программæйы стандарттæ ныры дуджы сывæллæтты курдиæттæм гæсгæ нысан кодтой.   Авторты ’хсæн ирон æвзаг æмæ литературæйы хуыздæр ахуыргæнджытæ. Сæ хъуыдымæ гæсгæ арæзт æрцыд ног программæ.   Консультативон æмæ методикон æххуыс проекты фæлгæты бакодтой наукæйы къабазы кусджытæ. Чингуытæ фыст æрцыдысты ирон æвзаг бахъахъхъæныны æмæ йæ райрæзты паддзахадон программæйы фæлгæты. Афтæмæй, 1 къласы ахуырдзаутæн фæзынд ног чиныг «Абетæ». Уæдæ 2-æй 9 къласы онг скъоладзаутæн бакуыстой ирон æвзаг æмæ литературæйы чингуытыл. Министрады куыд фæнысан кодтой, афтæ 10 æмæ 11 кълæсты чингуытæ нал аивтой. Хуссар Ирыстоны ахуырад æмæ наукæйы министрады куыд фæнысан кодтой, афтæмæй ацы къуырийы кæронмæ чингуытæ фæхæццæ кæндзысты республикæйы æппæт скъолатæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv