Фæсивæдимæ фембæлд

Æфсæддон-патриотон хъомылады центры минæвæрттæ фембæлдысты Дзæуджыхъæуы бирæпрофилон техникумы студенттимæ. Нæ республикæйы ахæм мадзæлттæ арæзт цæуынц сæрмагонд программæмæ гæсгæ. Центры минæвæрттæ студенттæм фæсидтысты сæ бархионты нымæц фæфылдæр кæнынмæ. Уымæй уæлдай ма ахуырдзаутæн раргом кодтой, сæ уагдон цæуыл кусы, фидæны сæ размæ цы хæстæ æвæрынц æмæ куыд цæттæ кæндзысты сæхи Уæлахизы боны бæрæгбонмæ, уыдæттæ. Куыст сын бирæ ис, æнæ æвзонг фæсивæды æххуысæй нæ сарæхсдзысты. Мадзалы архайджытæн ма равдыстой цыбыр видеороликтæ æфсæддон-спортивон лагерь "Балц" æмæ бæстæзонæн-туристон лагерь «Горец»-æй. Уыцы лагерты фæсивæдæн сæ бон уыдзæн сæрды бакусын. Уыдзысты инструкторты æххуысгæнджытæ. Уый тыххæй хъæудзæн сæрмагонд ахуыртæ фæсивæды хъуыддæгты комитеты ацæуын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv