Дзæуджыхъæуы ацыд фольклорон-этнографион фестиваль «Тутыртæ»

Фольклорон-этнографион фестиваль «Тутыртæ» æртыккæгæм хатт сарæзтой Дзæуджыхъæуы. Национ музейы кæрты цатырты равæрдтой фынгтæ чъиритæ æмæ бæгæныимæ. Уазджытæн радзырдтой бæрæгбоны равзæрд, йæ æгъдæуттæ æмæ нысаниуæджы тыххæй. Куырды архайд æвдисæг ахуырты бацархайыны фадат алкæмæндæр уыд. Фестивалы сæйраг нысан - Ирон æгъдæуттæ æмæ культурæ бахъахъхъæнын. Мадзаларазджытæ - Фæсивæды æфсæддон-партриотон хъомылады центр æмæ Дзæуджыхъæуы администрацийы культурæйы управлени.