Октябрьскæйы поликлиникæ у бындуронæй цалцæггæнинаг

Октябрьскæйы поликлиникæ у зын уавæры. Къултæ кæлæдзаг, тæвд дон дзы нæй. Уыимæ ма бæстыхай хъаргæнæн дæр нæй.  Афтæмæй та дзы æрвылаз адæмы нымæц къаддæр нæ кæны. Поликлиникæйы 4-æм уæладзыг - хирургийы хайад. Фыццаг бакастæй дæр æм ныккæрзы адæймаджы зæрдæ. Æмбыд пъолтæ, электрон тыхты телтæ та фæстаг хатт ивд кæд æрцыдысты, уый бæрæг нæУ. Æнæхъæн поликлиникæйæ - уымæлы тæф. Дохтырты кабинетты та - сæрмагонд хъармгæнæнтæ. Тæвд доны кой дзы уæвгæ дæр нæй. Канализацион хæтæлтæ кæнинаг кæй сты, уый тыххæй къултæн сæ цъар кæлы. Ахæм уавæрты кусынц дохтыртæ, фæлæ сæм уæддæр рынчынтæ цæуынц. Ивгъуыд аз сæм æххуысагур бацыдысты 150 адæймаджы. Токаты Альбинæ, Октябрьскæйы цæрæг: «Ацы поликлиникæ хъуамæ бæстонæй цалцæггонд æрцæуа. Мæ сывæллоны ардæм мæ бон æрбакæнын нæ вæййы. Цы дохтыртæ дзы кусынц, уыдонæй, мæнмæ гæсгæ, хуыздæр нæй. Мæ бон куы уаид, уæд мæ сывæллоны ардæм не 'рбакæнин. Фæлæ ацы дохтырты тыххæй дæн ацы поликлиникæйы». Дзæбæхгæнæндоны ис 11 хайады. Алыйы дæр иухуызон уавæр: æнцойгæнæнтæ саст, лифт дæр куыд æмбæлы, афтæ нæ кусы. Карджын адæймæгтæн уæлæмæ хизын уæлдай зын вæййы. Йе*нæниздзинад хъыгдæрд кæмæн у, уыдонæн та дзы уæвгæ дæр уавæртæ нæй. Клиникон-диагностикон лабораторийы къæйтæ схаудысты. Физиотерапийæйы хайады дæр уымæл къултæ, рудзгуыты бынæй дымгæ сыффыт кæны. Уæдæ электрон тыхдæттæг телты тыххæй та æрцæуынц цыбыр ныдзæвдтæ. Тедеты Аллæ, Октябрьскæйы поликлиникæйы терапевтон хайады сæйраг дохтыр: «Æппындæр дзы хъарм нæу. Рудзгуытæ иууылдæр сты ивинаг. Коммуникацитæ дæр афтæ. Канализацийы хæтæлтæ сты ивинаг. Бакæсут ма, цæййас бæстыхай у, уый æмæ дзы уазæгдæттæ нæй. Афтæмæй дзы адæм та бирæ». Ныккæндмæ æнæ резиннæ цырхъхъытæй ныххизæн нæй. Къултæ æмæ цар сты хъуына. Згæ хæтæлтæй пъолмæ кæлы дон. Ацы поликлиникæйы риссаг фарстатæ бирæ ис. Хъæуы йæ æнæмæнг цалцæг кæнын. Джиоты Заринæ, Октябрьскæйы поликлиникæйы терапевтон хайады сæйраг дохтыр: «Зæгъæм нæм ныртæккæ ис диссаджы рентген аппарат. Уый бирæ азты дæргъы нæ куыста. Нæ сæргълæууæг ссардта фæрæзтæ, цæмæй ацы аппарат конд æрцæуа, уый тыххæй. Акуыста иу цалдæр мæйы, æмæ та дзы нæ бон пайда кæнын нал у. Уый тынг æвзæр у. Æрмæст районы цæрджытæн нæ, фæлæ ма дохтыртæн дæр». Поликлиникæйы æддагбакаст дæр у цалцæггæнинаг. Бæстонæй æм хъуамхъуазилой 2022-æм азы. Æнæниздзинад хъахъхъæныны министрады нын куыд бамбарын кодтой, афтæмæй куыстытæ райдайдзысты рагацау æмæ цæудзысты фæткмæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv