Уæлахизы боны агъоммæ Сергей Меняйло бабæрæг кодта Фыдыбæстæйы Стыр хæсты архайæг Бæдойты Раисæйы. Уый 1942-æй 1945-æм азмæ куыста быдирон госпиталы Дæргъæвсы, архайдта Цæгат Кавказы тохы Джызæлы, Санибайы æмæ Майрæмададжы хъæуты госпиталты. Республикæйы сæргълæууæг Сергей Меняйло ма бæрæгбоны агъоммæ арфæ ракæнынмæ  уыд Танхълаты Николаймæ. Уый рæнхъоны цины хæсты архайдта йæ райдианæй кæронмæ, дыууæ хатты уыд цæф. Республикæйы хицауады сæрдар Дзанайты Барис та уазæгуаты уыд Хуыдиаты Черменмæ. Уый Фыдыбæстæйы Стыр хæсты уыд хистæр фелсыры цины. Уæлахизыл сæмбæлд горæт Венæйы. Премьер хæсты архайæгæн ракодта арфæ, загъта йын бузныг.