Фæлтæрддзинад æнæвгъауæй

Цæгат Ирыстоны майы арæзт æрцæудзæн экологийы фарстатæ æмæ граждайнаг æхсæнады рæзты тыххæй форум регионты æхсæн. Уый тыххæй абон дзырдтой Цæгат Ирыстоны æмæ Мæхъæлы Æхсæнадон палатæты советты æмбырды. Ныхас ма цыд муниципалон æхсæнадон советты сарæзт æмæ социалон къабазы лæггæдтæн хæдбар бæрæггæнæнтæ дæттыны тыххæй дæр. Æмбырды архайджытæ ма сæ хъуыдытæ загътой, æрæджы президенты æвзæрстыты рæстæг цы æхсæнадон цæстдард уыд, уый тыххæй дæр. Сбæлвырд кодтой уый æмæ, граждайнаг æхсæнады ахадындзинад паддзахадон фарстаты фæкæны хъомысджынæй хъомысджындæр. Уыимæ ма ныртæккæ граждайнаг æхсæнады сæрæн куыст, бархионты змæлды æмæ хæрзаудæн куысты рæзт дæр у тынг ахсджиаг. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv