Дмитрий Медведев фæллойы министрадæн бабар кодта уыцы хъæппæрисмæ лæмбынæг æркæсын

Ныр раздæхæм, уый размæ цы хабары тыххæй дзырдтам, уымæ. Цы йæм, бафтауæм, уый ма ис. Кусгæ къуырийæ 4 боны скæныны тыххæй дарддæр Уæрæсейы хицауад ныхас кæны. Йæ сæрдар Дмитрий Медведев фæллойы министрадæн бабар кодта уыцы хъæппæрисмæ лæмбынæг æркæсын. Адæм 4 боны кусын куы райдайой, уæд цавæр фæстиуджытæм æрцæуæдзыстæм, уый хъуамæ профилон министрад сбæрæг кæна. Фæллой кæныны æмæ социалон къабазыл куыд сахаддзæн, уый хъуамæ раиртаса. Уый фæдыл цавæр хаттдзæгтæм æрцæудзысты, уый хъуамæ нысангонд æрцæуа 30-æм сентябрмæ. Уый фæстæ йæм æркæсдзысты Хицауады уæнгтæ дæр. Сæйрагдæр ацы хъуыддаджы у, цæмæй рабæрæг уа, ног фæткæвæрд экономикæйыл куыд фæбæрæг уыдзæн, уый. Æмархайд цæудзæн Уæрæсейы хæдбар профцæдисты федерацийы минæвæрттимæ æмæ Уæрæсейы амалхъом адæймæгты цæдисы уæнгтимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv