Архонкæйы станицæйы сцалцæг кæндзысты фæсфæд фæндаг

Архонкæйы станицæйы сцалцæг кæндзысты фæсфæд фæндаг. Ныртæккæ дзы 20 сантиметры бæрзæндæн хуыр пырх кæнынц. Уый фæстæ дзы байтаудзысты асфальт. Арæзтадон æрмæджыты хæрзхъæддзинад бæрæг кæны сæрмагонд лаборатори. Арæзтадон куыстуаты куыд зæгъынц афтæмæй ног фæндаджы хæрзхъæддзинадмæ 7 азы ницы фау æрхæссæн уыдзæн. Æдæппæтæй сцалцæг кæндзысты 4 километр æмæ 500 метры уаддзаг. Пъланмæ гæсгæ объект хъуамæ срæвдз уа октябры кæрон. Фæлæ фæнд кæнынц раздæр. Аслан Цогоев, æнæххæст бæрнондзинады æхсæнад «Главдорстрой»-йы директор: «Мах банывыл кæндзыстæм фæндаджы алфамбылай цы фæз ис уый. Дуканитæ æмæ иннæ бынæттæм скæндзыстæм бацæуæнтæ. Уый фæстæ сцалцæг кæндзыстæм фæндаг æнæхъæнæй. Хъæугæ нысæнттæ дзы сæвæрдзыстæм. Æдасдзинады домæнтæ бæстонæй баххæст кæндзыстæм». Фæндаг цалцæг кæнынц «Безопасные и качественные автомобильные дороги», зæгъгæ, национ программæ æмæ «дорожная сеть», зæгъгæ регионалон проекты фæлгæты. Куыстыты куыд цæуынц, уымæ сæ хъус дарынц республикæйы фæндаггон хæдзарады комитеты. Куыстыты хæрзхъæддзинадмæ зæрдæ не `хсайы. Алы къæпхæнмæ дзы хъæугæ цæстард цæуы. Куыд арæзтадон æрмæджытæм афтæ куыстмæ дæр. Нæ зæрдæ дарæм фæндаг куы срæвдз уа, уæд  хæдтулгæты шофырты зæрдæмæ фæцæудзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv