Æхсæнадон палатæмæ райстой къамистæй иуы ног уæнгты

Ахст адæмы бартæм кæсдзысты Æхсæнадон палатæйы минæвæрттæ дæр. Уыцы хæс кæуыл æрæнцад, ахæм къамисы ног уæнгтæн радтой æвдисæндартæ. Раздæры хорз фæтк дарддæр чи ахæццæ кæндзæн, уыдоны `хсæн ныр сты Цæгат Кавказы бирæвæрсыг медицинон центры сæргълæууæг Уртаты Ролан, паддзахадон университеты профессор Челæхсаты Магрез, Цæгат Кавказы суворовон училищæйы методист Андрей Жаров, сауджын Казбек Хворостьянов, экономист Баситы Дмитрий. А-дыууæ боны ног къамис хъуамæ сараза йæ фыццаг æмбырд, снысан кæна сæрдар æмæ сфидар кæна куысты пълан. Æхсæнадон палатæйы федералон минæвар Мария Каннабих та ма куыд фехъусын кодта, афтæмæй майы кæрон Дзæуджыхъæуы сараздзæн ахуыргæнæн семинар. Хъуамæ дзы бынæттон палатæйы минæвæрттæ æмæ барады кусджытæн радзура фæллойадон сусæгдзинæдты тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv