Æнкъард хабар

Йæ царды 87-æм азыл ахицæн публицист, æхсæнадон архайæг, Хуссар Ирыстоны зындгонддæр сфæлдыстадон кусджытæй иу Бахъаты Нугзар. Хъыгагæн, йæ низ ыл цыбыр рæстæгмæ фæтых. Бахъаты Нугзар уыдис зындгонд ирон поэт, ахуыргæнæг, политик æмæ æхсæнадон кусæг, Хуссар Ирыстоны парламенты 4-æм æмбырды депутат, Советон Цæдисы æмæ Хуссар Ирыстоны фысджыты цæдисы уæнг. Бахъаты Нугзар райгуырд 1932 азы 25 сентябры Бахъатыхъæуы. 1957 азы каст фæци Хуссар Ирыстоны паддзахадон университеты филологон факультет. Уыцы аз рухс федта йæ фыццаг чиныг «Любовные песни», зæгъгæ. Уый фæстæ йæ поэтикон æмæ публицистон уацмыстæ уагътой уырыссаг, ирон æмæ белорусаг æвзæгтыл. Бахъаты Нугзар Цхинвалы бирæ рæстæг фæкуыста чингуыты рауагъдад «Ирыстон»-ы директор æмæ сæйраг редакторæй. Ирон литературæйы райрæзтмæ стыр æвæрæн кæй бахаста æмæ бирæ рæстæг аивадон куыстыл хæст кæй уыд, уый тыххæй йын саккаг кодтой Хуссар Ирыстоны Кады гæххæтт. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv