Уæрæсейаг æмæ æндæр бæстæтæй цæстдарджытæ

Цæгат Ирыстоны æвзæрстытæ æмбæлгæ хуызы арæзт кæй æрцыдысты, уый загътой уæрæсейаг æмæ æндæр бæстæтæй цæстдарджытæ дæр. Уыдон фембæлдысты на республикæйы сæргълæууæгимæ. Фембæлды ма архайдтой Цæгат Ирыстоны центрон æвзарæн къамисы сæрдар Моргуаты Жаннæ æмæ æхсæнадон палатæйы разамонæг Нина Чиплакова. Битарты Вячеслав раарфæ кодта æрбацæугæ цæстдарджытæн, нæ республикæйы æвзæрстытæ саразынæн кæй баххуыс кодтой, уый фæдыл. Бельгийы минæвар, адвокат Филипп Ченси Вильмо бафиппайдта, æвзарæн системæ Ирыстоны хорз арæзт кæй у æмæ адæм зæрдиагæй кæй цыдысты хъæлæс кæнынмæ, уый. Болгарийаг цæстдарæг, адæмон æмбырды депутат Пенчо Пламенов Милков та загъта, Ирыстоны адæмæн хъæлæс кæнынæн æппæт фадæттæ дæр арæзт кæй æрцыд, æмæ æвзæрстытæ сыгъдæг æмæ æнæ къуылымпыйæ кæй ахицæн сты, уый. Уымæй уæлдай ма иннæ цæстдарджытæ фæбæрæг кодтой, зæронд æмæ йе 'нæниздзиеад хъыгдард кæмæн у, уыцы адæмæн дæр æмбæлгæ фадæттæ æмæ фæкаст кæй уыд схъæлæс кæнынæн. Уæ зæрдыл уын æрлæууын кæндзыстæм, президенты æвзæрстытæм нæ республикæмæ ссыд 8 цæстдарæджы Уæрæсе æмæ фæсарæнтæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv