Юбиляры кадæн

95 азы - пенсимæ рацæуыны рæстæг нæу. Афтæ хъуыды кæны Николай Свистунов. Йæ цардæй 60 азы снывонд кодта металлургон факультетæн. Цæгат Кавказы хæххон-металлургон институты æппæты рагондæр ахуыргæнæг у. Уæлдæр ахуыргæнæндоны схъомыл кодта мингай студенты. Рауагъта 100 наукон куысты. Николай Васильевичы царды фæндаг æнцон нæ уыд. Йæ цард фæнд кодта наукæимæ сбæттын фæлæ Фыдыбæстæйы Стыр хæст райдыдта æмæ йæ æмгар æвзонг лæппутимæ аразт йæ Фыдыбæстæ хъахъхъæнынмæ. Хæсты фæстæ Николай Васильевич бацыд ахуыр кæнынмæ. Æнтысджынæй каст фæцис.  Фæстæдæр ссис профессор. Йæ рауагъдонтæ металургон къабазы систы раззагдæр специалисттæ. Николай Васильевичæн йæ 95 азы юбилейы фæдыл арфæ ракодтой йе мкусджытæ, студенттæ. Балæвар ын кодтой юбиляры нывимæ майдан. Цæгат Кавказы хæххон-металлургон институты ректор Юрий Дмитрак ын радта арфæйы фыстæг фæсивæды хъомыладмæ стыр æвæрæн кæй бахаста уый тыххæй.  Цæгат Кавказы хæххон-металлургон институты ректор Юрий Дмитрак: «Мах иууылдæр тынг бузныг стæм нæ ветеранæй. Бирæ хъомылгæнинæгты рауагъта ацы институтæй. Хъыгагæн хæсты архайджытæ бирæ нал сты. Ацы ахуыргæнæндоны ма иунæг у. Стыр арфæйын кæнын йæ гуырæн боны фæдыл». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv