Ядерон иртæстыты иугонд институты информацион центр йæ куысты фыццаг азæн скодта хатдзæгтæ

Ядерон иртæстыты иугонд институты информацион центр йæ куысты фыццаг азæн скæндзæн хатдзæгтæ. Центры руаджы ныр æнцондæр у курдиатджын иртасджытæ ссарын. Ахуырдзаутæн цымыдисаг хуызы æвдисынц, наукæ цы у æмæ дзы куыд спайда гæнæн ис, уый. Ахуыргæнджыты дæсныйад уæлдæр кæныныл дæр дзы архайынц. Афтæмæй скъола фæуыны рæстæгмæ ахуырдзаутæй рауайдзæн хорз цæттæгонд абитуриенттæ. Уыимæ ма, æмхиц уыдзысты зонадон куыстмæ дæр. Студенттæн ис ног кусæнгæрзтæ феныны фадат, цæмæй теоретикон зонындзинæдтæй пратикон хуызы спайда кæнын сæ бон уа. Центры кусынц æрыгон ахуыргæндтæ дæр. Сæ фæлтæрддзинад кæрæдзийæн не ’вгъау кæнынц. Центры пайда кæнынц сæрмагонд ахуырадон программæтæй. Арæх дзы цæуынц конференцитæ, семинартæ дунейы номдзыддæр ахуыргæндтимæ. ЦИПУ-йы ректор Огъуаты Алан куыд фæбæрæг кодта, афтæмæй университет фæнд кæны наукон центримæ дарддæр дæр æмгуыст кæнын. Ныридæгæн æй кæнынц радиацион биологи, протонты терапийæ æмæ экологийы къабæзты. Центры кусджытæ куыд зæгъынц, афтæмæй фидæны фылдæр се ргом аздахдзысты физикон-техникон, хими, биологи æмæ биотехнологи, математикæ æмæ информацион технологиты факультеттæм. Фæнд кæнынц иумæйаг ахуырадон программæ байгом кæнын «физика элементарных частиц», зæгъгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv