Цæгатирыстойнаг гимнасткæтæ систы æппæтадæмон турниры уæлахиздзаутæ

Дзæуджыхъæуккаг гимнасткæтæ æнтыстджынæй бацархайдтой æппæтадæмон турниры Пятигорскы. Фыццаг бынæттыл тох кодтой 2 мин адæймаджы. Уыдоны 'хсæн æрыгон спортсменкæтæ бахаудтой хуыздæрты хыгъдмæ. Уæлахизы фæстæ сæм цы 'нкъарæнтæ сӕвзӕрд, уыдоны тыххӕй радзырдтой не 'мкусджытæн. Бæззаты Миленæйыл цæуы 4 азы. Аивадон гимнастикæмӕ цӕуы æрмæстдӕр 6 мæйы. Уыцы рæстæгмæ сси алыхуызон ерысты уæлахиздзау. Æрæджы æрыгон спортсменкæтæ æппæтадæмон турниры Пятигорскы систы фыццæгтæ. Ерысты домæнтæм гæсгæ, чызджытæ архайдтой къордгай. Иу адæймаджы къуылымпадзинад æвзæрырдæм сахадыдтаид командæйы иумæйаг баллтыл. Фæлæ чызджытæ сæхи равдыстой æнæаипп æмæ ирдæй. Жюри йæ хъус дардта алы лыстæгдзинадмæ дæр. Техникон дæсныйад, артистизм, музыкæ. Алцыдæр уыд ахсджиаг. Турниры бацархайдтой дыууæ мин сабийы. Уæлахизмæ тырнындзинадæй фæлтæрдджын спортсменты ерыстæй ницæмæй хицæн кодта. Æрыгон гимнасткæтæм æнхъæлмæ кæсынц ног ерыстæ. Дарддæр бацархайдзысты республикон турниры. Сæ зæрдæ дарынц æрмæст уæлахизыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv