Федералон бюджетæй рахай кодтой 2 млрд сомы, цæмæй фæндæгтæ банывыл кæной

Федералон бюджетæй рахай кодтой 2 млрд сомы, цæмæй Цæгат Ирыстоны фæндæгтæ банывыл кæной. Фæрæзтæн сæ фылдæр хай схардз кæндзысты «Хурыхъæу-Малгобек-Мæздæг» фæндаджы рацарæзтыл. Цæгат Ирыстоны бюджет 2020-æм азы уæлæмхасæн фæрæзтæй фæфылдæр 2 млрд сомы бæрц. Æмткæй райсгæйæ, æфтиæгты нымæц ацы аз у - 36 млрд æмæ 357 милуан сомы. Хæрдзты бæрц та - 100 милуаны къаддæр - 36 млрд æмæ 458 милуан сомы. 1 млрд æмæ 700 милуан сомы схардз кæндзысты Дзæуджыхъæуæй - Мæздæгмæ фæндаг саразыныл. 105 милуан сомы - национ проект «Безопасные и качественные автомобильные дороги» дарддæр æххæст кæнынæн. 80 милуан сомæй спайда кæндзысты фæндаггон змæлды автоматизацийæн æмæ фæндаг нырыккон технологитæй сифтонг кæнынæн. Уыимæ ма 39 милуан сомы æмæ 500 мин сомы нысангонд сты кæлæддзаг хæдзæрттæй ногтæм раивыны программæйы æууæлтæ баххæст кæнынæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv