Фæлтæрддзинад райс, дæсныйадæвдисæн ахуыртæм байхъус æмæ ног хæлæртты ссар. Информацион фæзуат арæзт у Кавказы æппæт журналисттæн. Ам сæ алчидæр йæхицæн хъæугæ практикæ ссардзæн. «PRO Кавказ» æххæссы медиатыгъдады æппæт къабæзтыл дæр. Йæ фæзуатыл аныхас кæнæн ис Уæрæсейы дзыллон информацийы фæрæзты дӕснытимӕ. Ацы аз медиафорум «PRO Кавказ» цæуы дыккаг хатт. Абон ныхас кæнынц мæнг информаци раиртасын æмæ йемæ тох кæныныл. Архайджытæ сты бæстæйы алы регионтæй, ссыд делегаци Белоруссийæ дæр. Сæйраг спикертæ — зындгонд уæрæсейаг журналисттæ, се 'хсæн — Евгений Попов. Телеуынынады амонæг фæнысан кодта аудиторийы æмбаргæ ахаст. Афтæ Хурныгулæны бæстæтæн адæмы сайын бирæ фæзындæр. Форум уазджытæн райдайы Цæгат Кавказы федералон зылды литературон равдыстæй. Уыдон æрæджы дæр ма Кавказ нымадтой дард хуссайраг регионыл. Уый фæстæ, фарон куыд уыд, афтæ арфæйы ныхæстæ æмæ программæйы анонстæ. Архайджытæн раарфæ кодта республикæйы хицауады сæрдар Дзанайты Барис. 500 архайæгæй фылдæр, – уый спикертæ æмæ лекциты модераторты æдде. Уыдон дæр ацы аз бирæ фæфылдæр сты. Ныхас цæуы социалон хызæгты архайд æмæ ног медиатрендтыл. Æппæт дæр — фæлтæрддзинад уæлдæр кæныны нысанимæ. «PRO Кавказ» у, рæстдзинад фехъусæн кæм ис, ахæм фæзуат. Уыцы иу рæстæг дзы ис хи зонындзинæдтæ фӕуӕрӕхдӕр кӕнӕн, стӕй иннӕтӕн хи фӕлтӕрддзинадӕй фæхай кæнæн. Форумы ис бирæ кавказаг блогертæ. Форумы фыццаг бонæн кæронбæттæн — пленарон æмбырд. Йæ темæ — «Информацион тыгъдад быцæуы уавæрты: æргом цаутæ мæнг хъусынгæнинæгты ныхмæ». «PRO Кавказ» йæ куыст адарддæр кæндзæн райсом. Хатдзæгтæ скæндзысты журналистты æхсæн æркастæн дæр.