Медицинон къабазы проекттæ

Цæгат Ирыстоны цæрджыты фæрныгад фæфылдæр кæнын - ахæм хъуыды ацы бонты уæлдай ахсджиаг у. Раргом æй кодта нæ республикæйы сæргълæууæг Битарты Вячеслав йе `рвылазон ныстуаны. Иугæр ахæм хæс æвæрæм, уæд алы къабазы дæр хицауады хорз бакусын хъæуы. Уæлдай дæр медицинон къабазы. Дзæгъæлы нæ фæдзурæм: «Сæйрагдæр адæмы æнæнидзинад». Ацы аз æм хъуамæ уæлдай æргом аздахой. Ныридæгæн Цæгат Ирыстон арахайы 7 национ проекты. Иууылдæр хауынц медицинæмæ. Ныртæккæ уын сæ равдисдзыстæм нæ интерактивон къулыл. Национ проекттæй уæлдай ма, Цæгат Ирыстон архайдзæн æмæ æнтысджынæй архайы куыд республикон, афтæ федералон программæты дæр. Сæ фæлгæты, ныридæгæн нын бирæ бантыст. Зæгъæм, Сывæллæты клиникон рынчындон. Цы уавæры уыди, уый иууылдæр зонынц. Иунæг хаймæ дзы алыхуызон аххосæгты тыххæй дæсгай азы не `внæлдтой. Сывæллæты инфекцион корпусæй зæгъын. Аразын æй райдыдтой мæхæдæг ма сывæллон куы уыдтæн, уæд. Ныр, уавæр у мæнæ ахæм. Республикæйы разамынды руаджы, 3 азы размæ хъуыддаг йæ бынатæй фенкъусыд æмæ корпус ныр у цæттæ. Æппæт нырыккон домæнтæн дзуапп дæтты. Уыцы иу рæстæг дзы бынат ис сæдæ пациентæй фылдæрæн. Уый ма ницы, фæлæ хæстæг рæстæг рынчындонмæ базилдзысты æнæхъæнæй. Уый снысан кодта Битарты Вячеслав. Уыдзæн мæнæ ахæм: сцалцæг кæндзысты 2 корпусы æмæ сараздзысты сывæллæтты ног поликлиникæ. Уыцы ахсджиаг хъуыддагмæ рынчындоны æнхъæлмæ кæсынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv