Æдасдзинады тыххæй

Ирвæзынгæнджытæ Дзæуджыхъæуы цæрджытæм бахатыдысты Цæрвкъахæнты бæрæгбон æвыдæй арвитынæн. Уый тыххæй хъусын кæны Цæгат Ирыстоны æнæнхъæлæджы уавæрты управленийы пресс-службæ. Бæрæгбоны кæронбæттæны адæм арæх басудзынц быдыргъ. Фæлæ уыцы `гъдау æххæст кæнын хъæуы æдасдзинады домæнтæм гæсгæ. Басудзинаг быдыргъ хъуамæ бæстыхæйттæ æмæ æндæр ахæм арæзтæдтæй 50 метрæй хæстæгдæр ма уа. Уæдæ йæм адæм дæр хъуамæ 10 метрæй æввахсдæр ма цæуой. Арт æндзарын та йыл хъæуы, дымгæ кæцы фарсæй кæны, уыцырдыгæй. Пайда кæнын хъæуы даргъ факелæй, æнæ æнцонсудзгæ тæнгъæдтæй. Кæуыл бандзæрстой, уыцы быдыргъ дæр æнæрхъуыдыйæ уадзæн нæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv