2020-æм азы кусын райдайдзæн сæрмагонд программæ «Земский учитель»

2020-æм азы кусын райдайдзæн сæрмагонд программæ «Земский учитель». 1 милуан сомы йæ бон уыдзæн райсын, хъæутæм кæнæ поселоктæм ахуыргæнæгæй кусынмæ чи ацæуа, уыдонæн. Уæрæсейы хъæуты цы ахуыргæнджытæ нæ фаг кæны, уыдоны нымæц баххæст кæныдзысты Федералон программæйы Йæ сæйраг домæн у 5 азы хъæуы уавæрты бакусын. Ис ын йæхи фæткæвæрд. 2020 азы фиддон райсыны фадат уыдзæн 16 адæймагæн. Бæлвырддæр хабары тыххæй радзурдзæн Хуасдзауты Алинæ. Скъоладзаутæ цымыдисæй хъусынц сæ ахуыргæнæгмæ. Абон ныхас кæнынц рагон Индийы историйы тыххæй. Дарья Северинова архайы сабитæн æрмæст ног æрмæг бамбарын кæныныл нæ, фæлæ сæ сразæнгард кæныныл дæр. Куыд зæгъы, афтæмæй йын уый уæлдай ахсджиаг у. Кæддæр йæхæдæг дæр уыдис скъоладзауы бынаты æмæ уæд йæ стырдæр бæллиц уыди ахуыргæнæг суæвын. Дарья Сееринова, Садовый поселоччы истори æмæ æхсæнадзонынады ахуыргæнæг: «Мæхæдæг дæр ацы скъола каст фæдæн. Бирæ зонындзинæдтæ дзы райстон. Мæ ахуыргæнджыты руаджы сразæнгард дæн ацы дæсныйадимæ мæ цард сбæттын». Фæлæ, Дарья Севериновайы хуызæнтæ стæмтæ сты. Ныртæккæ хъæуты æмæ чысыл горæтты ахуыргæнджытæ фаг нæй. Азæй-азмæ уавæр æвзæры `рдæм ивы. Ахуырадон уагдæтты разамонджытæ сæхи хъаруйæ архайынц фарста аиуварс кæныныл. Наталья Байкалова, Мæздæджы районы ахуырады разамынды хицауы хæстæ æххæстгæнæг: «Ныртæккæ хъуыддаг раивын нæ бон у цы ахуыргæнджытæ нæм кусы, уыдонæн фылдæр кълæстæ ратгæйæ. Архайæм фæлтæрджжын кусджытæ бахъахъхъæныныл. Цæмæй æрыгон фæлтæрæн сæ зонындзинæдтæй хай кæной. Районы æрыгон специалисттæ дæр ис. Фæлæ тынг стæмтæ сты. Махæн та дæсгай ахуыргæнджытæ нæ фаг кæны». Ирина Пивоварова, Садовый поселочы скъолайы директоры хæстæ æххæстгæнæг: «Стъараполы крайæ нæм 2 æрыгон специалисты ссыдысты. Иу дзы раздæр дæр куыста скъолайы. Уагæвæрдмæ гæсгæ нæм ис 15 ахуыргæнæджы ставкæйы, кусгæ та нæм 12 йеддæмæ нæ кæны». Ахуыргæнджыты нымæц фæфылдæр кæнынæн Уæрæсейы ахуырад æмæ наукæйы министрады сарæзтой программæ «Земский учитель», зæгъгæ. Цæгат Ирыстоны йæ æххæст кæнын райдайдзысты 2020 азы. Программæмæ гæсгæ хъæутæм, кæнæ чысыл горæттæм кусынмæ цы ахуыргæнджытæ ацæуой, уыдонæн рахай кæндзысты милуан сомы. Программæ аххæсдзæн нæ республикæйы æппæт горæттыл дæр Дзæуджыхъæуæй уæлдай. Программæйы архайæг ахуыргæнæг 5 азæй къаддæр ма бакусæ скъолайы. Гæджиты Аланæ, РЦИ-Аланийы ахуырад æмæ наукæйы министрады сæйраг уынаффæгæнæг: «Ахуырæнджытæ цы скъолаты нæ фаг кæны, уыдон хъуамæ æмбæлгæ информаци раттой республикæйы хуырад æмæ наукæйы министрадмæ. Уым саразынц номхыгъд æмæ йæ сæвæрынц портал «Земский учитель»-ы. Портал кусын райдайдзæни 202 азы. Дарддæр, йæхи программæйы бафæлварын кæй фæнда, уыцы ахуыргæнджытæ хъуамæ бадæттой сæ курдиат æмбæлгæ гæххæттимæ цы бынаты сæ фæнды кусын, уыцы муниципалон скондмæ». Фидæны аз программæйы бацархайыны фадат уыдзæнис 16 ахуыргæнæгæн. Курдиат бадæттæн та уыдзæн 2020 азы январы. Портал «Земский учитель» дæр уæд кусын райдайдзæнис. Программæйы тыххæй бæлвырддæр информаци фенæн ис нæ республикæйы ахуырад æмæ наукæйы министрады сайты. Хуасдзауты Алинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv