Хотæ æмæ`фсымæрты иу скъолайы ахуыр кæныны закъоны тыххæй

Уæрæсейы президент Владимир Путин ацы мæй сфидар кодта ног закъон. Ныр кæд скъоладзау ахуыр кæны иу скъолайы, уæд дзы ахуыр кæныны фадат ис йæ хæрз`фсымæртæн æмæ йæ хотæн. Куыд кусы ацы закъон нæ республикæйы? Зæгъæм, физикон-математикон лицейы ахæм ногдзинадæй спайда кæнын бирæты фæнды. Сывæллæтты иу рæстæг бакæнын æмæ сæ иу рæстæг хæдзармæ хæццæ кæнын бирæтæм хорз кæсы. Афтæмæй, рæстæг фæстауæрц кæндзæн. Январ кæронмæ фæхæццæ кæны. Ацы афон фидæны фыццагкъласонты ныййарджытæн вæййы уæлдай зæрдæхсаинаг. Уый та уымæн æмæ фæхъуыды кæнынц сæ сывæллоны кæцы скъоламæ раттой, ууыл. Ахæм ныййарджыты `хсæн Кокойты Ларисæ дæр. Йæ ныхæстæм гæсгæ, хистæр сывæллон цы скъолайы ахуыр кæны,уырдæм ратдзæн ахуыр кæнынмæ кæстæры дæр. Ног закъоныл кæй сразы сты, ууыл ныййарджытæ кæнынц уæлдай цин. Фæстауæрц кæны рæстæг., афтæ зæгъы Тотыккаты Михаил. Йæ ныхæстæм гæсгæ йæ сывæллонæн физикон-математикон лицейы цы зонындзинæдтæ дæттынц, уымæй у разы. Нæ республикæйы физикон-математикон лицейы ног закъонæй спайда кодтой 75 ныййарæджы. Уыдон сæ хистæр сывæллæтты фæстæ скъоламæ æрбакодтой сæ кæстæрты дæр. Фæлæ закъоны ис хицæндзинæдтæ дæр. Афтæмæй хауы æрмæстдæр ахæм ныййарджытæм, сæ сывæллон райдиан кълæсты кæмæн ахуыр кæны, уыдонмæ. Закъоныл кусгæйæ, парламенты уæнгтæ, фæнысан кодтой, ахæм ногдзинад æрмæст ныййарджытæн нæ, фæлæ ма сывæллæттæн дæр пайда кæй уыдзæн. Афтæ, дам, сæ бон уыдзæн сæ кæстæр хотæм æмæ æфсымæртæм кæсын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv