Главные мероприятия, по традиции, прошли в Роще Хетага. Сегодня там собрались сотни осетин со всей республики. Старшие возносили молитвы о мире и процветании, рассказывали младшему поколению об истории праздника и его важности для нашего народа. Сæумæрайсом нывондаг кусæрттагимæ архайынæй фæсивæдæй фæстæ ничи фæлæууыд. Хистæртæм фæкæсын, се `гъдау сын ахуыр кæнын. Бæрæгбоны хæстæй иу. Уæвгæ, сæ фылдæр æрбацыдысты уд сыгъдæг кæнынмæ, æхцондзинад исынмæ. Сыгъдæг къохы Зæды бонæн ирон адæм кæддæриддæр кодтой стыр кад, у адæмон бæрæгбон. Æмбæлы дзы хорзæхтæ курын æмæ йæм кувын. Хетæджы къохмæ æртæдзыхæттæ æмæ ирон бæгæныимæ цыдысты сæдæгæйттæй. Ам кæддæриддæр дзыллæ фæдзæхстой æмæ фæдзæхсынц сæхи, стæй сæ кæстæрты, курынц фæрныгад, æнæниндзинад æмæ бæркад. Æмæ куыд æргом зæд у, афтæ сын æргомæй цæмæй æххуыс кæна. Абон уæларвон курдиæттæн сæ фыццаг уыдис нæ бæлццæтты сæрæгасдзинад. Сызгъæрин Уастырджи кæддæр Хетæгæн куыд баххуыс кодта, афтæ цæмæй æххуыс кæна нæ фæсивæдæн, æфсæддон хæс йæ размæ кæмæн ис æмæ йæхи хъæбатырæй чи `вдисы, уыдонæн. Бæрæгбоны фæдыл арфæ ракодтой дыууæ æфсымæрон республикæйы сæргълæуджытæ дæр. Цæгатæй – Хуссармæ, Хурыскæсæнæй – Хурныгуылæнмæ. Хетæджы Уастырджийы бæрæгбон æрвылаз æрбамбырд кæны нæ бæстæ æмæ суанг фæсарæнты алы къуымтæй ирон адæмы. Бæрæгбоныл æмбæлæм афæдз иу хатт. Йæ нысан - нæ иудзинад. Алы бон дæр ын йе `рдзон тых куы `нкъариккам, уæд афæдзы бонтæ иууылдæр бæрæгбонхуыз уаиккой. Фарн æмæ амонд та æрмæстдæр ахæм æхсæнады æрцæрынц.