«Пристегнись», зæгъгæ, акци сарæзтой автоинспекцийы кусджтæ æмæ скъоладзаутæ

«Пристегнись», зæгъгæ, акци сарæзтой Цæгат Ирыстоны паддзахадон автоинспекцийы кусджтæ æмæ скъоладзаутæ. Уыдон сидтыстысты хæдтулгæты шофыртæм, цæмæй фæндагыл цæугæйæ уой къæрцхъусдæр æмæ сæхи бæттой æдасдзинады ронæй. Бацæттæ сын кодтой сæрмагонд информацион сыфтæ. Акци аразджытæ ма иу хатт шофырты зæрдыл æрлæууын кодтой, фæдаггон фæткы домæнтæ. Шофыртæ æдасдзинады ронтæй кæй нæ пайда кæнынц, уый фæндаггон фыдбылызы рæстæг арæх расайы æвзæр фæстиуджытæм. Инспектортæ профилактикон ныхас ма кодтой скъоладзаутимæ. Сывæллæттæн равдыстой сæрмагонд хæдтулгæ. Уыимæ ма сын раргом кодтой сæ куысты сусæгдзинæдтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv