Историкон наукæты доктор, этнограф æмæ Хуссар Ирыстоны раздæры президент Цыбырты Людвиг

Абон нæ бæстæйы фæсарæйнаг хъуыддæгты министр Сергей Лавров ныфс бавæрдта, сыхаг бæстæмæ хæдтæгджытæ ногæй тæхын кæй райдайдзысты. Æрмæст иу æнæмæнг домæнимæ: Уæрæсейæгтæн Гуырдзыстоны æдас куыд уа, афтæ. Йæ ныхæстæ йын уым цæхгæрмæ иннæрдæм фæзылдтой. Ома, дам, раст нæ дзуры. Разынд дзы ахæмтæ, Сергей Лавровы ныхæстæ, Гуырдзыстоны мидхъуыддæгтæм бар дарын кæй хъавы, афтæ чи банымадта. Фæлæ аккаг дзуапп чи радта, уыдон дæр ис. Сæ ныхæстæм гæсгæ, Гурдзыстоны уæрæсейæгтæн уыди æмæ уыдзæн æдас ран. Сергей Лавров ма йæхдæг фæбæрæг кодта - Мæскуы - Сыхаг бæстæйы хицауад æмæ чи йæм фæбыцæу, уыцы цæрджыты хсæн ахастдзинæдыл никуыд фæбæрæг кæндзæн. Уый тыххæй æмæ дам уый у сæхи хъуыддаг. Зæгъын хъæуы уый æмæ Гуырдзыстоны ныртæккæ дæр ма ис фехъусæн Уæрæсейы ныхмæ ныхæстæ. Ис дзы, бынтон æртхъирæн чи кæны нæ бæстæмæ, ахæмтæ дæр. Фæсарæйнаг хъуыддæгты министры ныхæстæм гæсгæ, Уæрæсейы хицауад зæрдæ дары, Гуырдзыстон кæй бамбардзæн дарддæр афтæ хъуыддаг кæй нæ ахæсдзæн æмæ йыл бакусын кæй хъæуы. Фæлæ фарста: Кæдмæ ма афтæ? уæддæр дзуринаг у. Цы æнхъæлмæ кæсы хæстæгдæр рæстæг Уæрæсейы æмæ Гуырдзыстоны хсæн ахастдзинæдтæм æмæ ацы хъуыддагыл Хуссар Ирыстон куыд фæбæрæг? Уый тыххæй бафастам историкон наукæты доктор, этнограф æмæ Хуссар Ирыстоны раздæры президент Цыбырты Людвиджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv