Пысылмæтты конференци

Дзæуджыхъæуы уыд «История ислама в России: осмысление со взглядом в будущее», зæгъгæ, конференци. Форуммæ æрбахуыдтой Уæрæсейы диныл хæст æмæ æхсæнадон архайæг Дамир Мухетдиновы. Конференцийы фæлгæты уыдис йæ чиныджы презентаци дæр. Фыст дзы ис пысылмæтты дины истори. Дамир Мухетдинов радзырдта, мидварны райрæзтæн цавæр хъуыддæгтæ саразын хъæуы, уый. Уæвгæ, фыццаг хатт нæй Дзæуджыхъæуы. Фидар бастдзинæдтæ йын ис Цæгат Ирыстоны пысылмæтты æхсæнады минæвæрттимæ. Æмбырды архайдтой Цæгат Ирыстоны муфтий Гуæцæлты Хадзмурат æмæ нациты `хсæн ахастдзинæдты фæдыл министр Цуциты Аслан дæр. Уыдонæй уæлдай ма йæм æрбахуыдтой пысылмæтты разамынды æмæ æхсæнадон палатæйы, национ-культурон æхсæнадты минæвæрттæ æмæ сфæлдыстадон интеллигенцийы. РЦИ-Аланийы национ ахастдзинæдты министр Цуциты Аслан: «Нæ уазæг Дамир Мухетдинов у зындгонд æхсæнадон кусæг, ахуыргæнæг æмæ ахуырадон чиныджы автор. Йе `мбырдгонды равдыста пысылмæтты дины истори. Мæнмæ гæсгæ, ацы хъуыддагыл абоны бонмæ афтæ бæстонæй ничима бакуыста. Ацы чиныг рухс кæй федта, уый историйы у ахсджиаг къахдзæф. Дамир Мухетдинов Ирыстоны фыццаг хатт нæй. Хæларæй цæрæм. Уымæ гæсгæ рахастам уынаффæ йæ чиныджы презентаци йын нæ республикæйы дæр саразын». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv