Фтизиопульмонологийы республикæйы клиникон центр æххæст у тарниз дзæбæх кæнынæн æппæт хъæугæ гæрзтæй

Абон у тарнизимæ тох кæныны æппæтдунеон бон. Фæстаг азты Цæгат Ирыстоны ацы низ раиртасын æмæ йе сдзæбæх кæныны гæнæнтæ парахат кæнынц. Стыр æххуыс къабазæн сты нырыккон медицинон кусæнгæрзтæ. Операцийы рæстæг ахæм камерæимæ архайын æнцон нæу. Къухы фезмæлд, алы лыстæгдзинадмæ лæмбынæг цæстдард æмæ специалисты фæлтæрддзинад. Риуыгуыдыры органты хирург Кульчиты Вадим эндоскопион гарзимæ ныр дыууæ азы кусы. Æрвылбон скæны цалдæр операцийы. Уæвгæ, ахæм медицинон гарз куыст дзæвгар фæрогдæр кодта. Торакоскопы диаметр у 5 миллиметры. Уый руаджы пациенты буары лыг рауайы 1 см. Республикæйы фтизиопульмонологийы клиникон центр ифтонггонд у нырыккон кусæнгæрзтæй. Зæгъæм, КТ-аппарат. Йæ фæрцы æрмæст тарниз нæ раиртасынц. Клиникон центры ис бактериологон æмæ клиникон иртæстыты лабораторитæ. Тарниз раиртасынц рагагъоммæ. Дарья Елисеева дæр æрбацыд медицинон иртæстытæ скæнынмæ. Сылгоймаг йæ чызгимæ ссыд Луганскæй. Цæмæй йын лыгъд адӕймаджы статус радтой, уый тыххæй йæ бахъуыд анализтæ скæнын. Республикæйы фтизиопульмонологийы клиникон центр скуыста 2019 азы. Республикæйæн ахæм медицинон центр ахсджиаг у. Раздæр-иу ахæм рынчынты дзæбæх кодтой тарниз дзæбæхгæнæн диспансеры. Центры ис 276 бынаты. Стационары 7 хайады, уыдонæй иу у реанимацион. Фæнд ма кæнынц ацы бæстыхайма ноджы иу бафтауын, уый та уыдзæн сывæллæтты хайад. Фæстаг 8 азмæ тарнизæй рынчынтимæ баст уавæр хуыздæр кæны. Æмæ кæд уавæр хуыздæры 'рдæм ивы, уæддæр хъæуы къæрцхъус уæвын. Коронавирусы фæстиуджытæ арæх расайынц тарнизмæ. Республикæйы фтизиопульмонологийы клиникон центры ис æппæт гæнæнтæ дæр низыл фæтых уæвынмæ. Гæззаты Зæринæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv