Æфсæддон ахуыртæ

Хуссар æфсæддон зылды, 58-æм æфсады, 19-æм бригады цæуынц сæрмагонд ахуыртæ. Æфсæддонтæ сæ арæхстдзинад æвдисынц. Ахуырты архайы техникæйы 100 иуæджы - БМП-тæ æмæ танктæ. Æфсæддонтæ 4 боны ахуыр кæндзысты æнæрынцойæ. Куыд æмæ цавæр уавæрты, уый базыдта не`сфæлдыстадон къорд дæр. Хъуамæ уай цырд æмæ сæрæн. Уымæй уæлдай ма уай цæттæ хæдтæхæгæй нысангонд бынатмæ уайтагъд рагæпп кæнынмæ. 58 æфсады æфсæддонтæн сарæзтой сæрмагонд ахуыртæ. Къомандыгæнджытæ сын æвдисынц, хæсты уавæрты адæймаг йæхи куыд хъуамæ дара, уый. Гуырысхойаг хæдтулгæ ахсгæйæ кусынц арæхстджынæй. Иннæ фæзыл минæтæ чи агуры уыцы къорд. Æфсæддонты развæндагыл аразынц басгæрст. Сапер минæ куы ссары уæд йæ къух уæлæмæ сисы. Къорд йæ мидбынаты æрлæууы. Къомандыгæнæг тæссаг объектмæ бацæуы, æркæсы æмæ ратты хæслæвæрдтæ. Минæ цæмæй фыдбылызмæ ма расайа уый тыххæй йæ барæй срæмудзынц. Мæнг хъусынгæнинагмæ гæсгæ ныхмæлæууæг химион буаргъæдтæй спайда кодта. Техникæйыл радиацион низ цæмæй ма бахæца уый тыххæй сæрмагонд дæлхайæдты руаджы химион æмæ биологон æгъдауæй хæстон техникæ хъахъхъæд æрцæуы. Фæлварæнтæн сæ зындæртæй иу у цæлхдурты фæндаг. Ацæуæн æй се `ппæтæн сæ къухы нæ бафты. Сгарæг хъуамæ мæнг ныхмæлæууæджы басæтта.Уæдæ психологон æгъдауæй дæр уа цæттæ. Фæндаджы дæргъ у 100 метры. Цыргъ телты бын абырын, автомат райхалын æмæ сæмбырд кæнын, цæфтæ чи райста уый æдас ранмæ ракæнын. 58-æм æфсады командыгæнæджы хæдивæджы ныхæстæм гæсгæ архайын хъæуы æрмæстдæр æмдыхæй. Æфсæддон ахуыртæ цæудзысты 4 боны. Сæ арæхстдзинад дзы æвдисынц 300 офицеры. Архайынц ма дзы мотоæхсæн, танкты æмæ сгарæн æфсæддон дæлхайæдтæ дæр. Уыимæ техникæйы 100 иуæджы - БМП-тæ æмæ танктæ. Ахуырты фæрцы батальонты командыгæнджыты фæлтæрддзинад фæуæлдæр уыдзæн. Хиуыл та кусын хъæуы æппынæдзух, зæгъынц æфсæддонтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv