Æрдзон æвæрæнты æмæ экологийы министрад барадхъахъхъæнджытимæ сарæзтой акци «Лесовоз», зæгъгæ

Æрдз хъахъхъæныны æмæ æрдзон æвæрæнты министрады хъæппæрисæй Цæгат Ирыстоны райдыдта республикон профилактикон акци «Лесовоз», зæгъгæ. Æрдз чи хъахъхъæны, уыцы специалисттæ æмæ таможняйы кусджытæ æмгуыст кæнынц, цæмæй хъæд æнæзакъонæй ма калой. Иумæйаг рейдты рæстæг инспектортæ фæкæсынц, хъæды куыст чи кæны, уыдоны бартæм. Ис сын хъæд калæн æви æви нæ, уымæ. Закъонхалджыты бафхæрынц ивартæй. Хъуыддаг бахæццæ вæййы суанг уголовон къæпхæнмæ. Ахæм мадзæлттæ хъæуынц хъæд бахъхъахъæныны тыххæй. Нæ республикæйы хъæды хæдзарады Комитеты кусджыты хъуыдымæ гæсгæ, Цæгат Ирыстоны хъæды æвæрæнтæй, куыд æмбæлы, афтæ нæ пайда кæнынц. Кæд тæрс, кæрз æмæ æндæр зынаргъ бæлæстæй Ирыстоны хъæдтæ хъæздыг сты, уæддæр уый ууыл дзурæг нæу, цæмæй знаггадгæнджытæ сæ кæнон ма ныууадзой. Операци «Лесовоз» ахæсдзæн мæй, августы райдианмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv