Мæздæджы байгом поликлиникæйы ног корпус

Абон Мæздæджы байгом кодтой поликлиникæйы ног корпус. Ныр уым фæзынд реабилитаци æмæ сылгоймæгты низтæ дзæбæхгæнæн хайæдтæ. Бирæ рæстæг ацы бæстыхайы ницы змæлд цыдис. Арæзтадон куыстытæ райдыдтой ивгъуыд аз августы. Цалдæр мæймæ 4-уæладзыгон бæстыхай бæстонæй сцалцæг кодтой. Уый къухы бафтыд "Юг России", зæгъгæ, федералон программæмæ гæсгæ. Арæзтадон куыстытæ куыд цыдысты, уымæ йæ хъус дардта республикæйы сæргълæууæг йæхæдæг. Абон Битарты Вячеслав кадджын мадзалмæ сæмбæлд. Уазджытæ æрзылдысты бæстыхайыл. Ныртæккæ медицинон кусæндон ифтонггонд у æппæты нырыккондæр гæрзтæй. Зæгъæм, УЗИ-аппаратæй. Уый руаджы рагагъоммæ рабæрæг кæнæн ис алыхуызон низтæ. Хайады разамонæг куыд зæгъы, афтæмæй Мæздæджы районы раздæр уыцы низтæ сбæрæг кæныны фадат нæ уыд. УЗИ-аппарат уыд зæронд æмæ æвдисгæ дæр ницы кодта. Рынчынты хъуыд сыхаг горæттæм цæуын. Дохтыртæ ма куыд зæгъынц, афтæмæй реабилитацион хайад дæр нырыккон домæнтæн дзуапп дæтты. Фæзынд дзы, адæймаджы хъултæ чи дзæбæх кæны, ахæм кусæнгæрзтæ. Сывæллæтты хайады та – тренажертæ дзæбæхгæнæн физкультурæйæ пайда кæнынæн. Уæлдай æхсызгондæр та у цæстытæ дзæбæхгæнæн хайад дзы кæй фæзынд, уый. Ифтонгонд у æппæты нырыккондæр кусæнгæрзтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv