Паддзахадон Думæмæ бахастой цæрæнуæтты коммуналон хæдзарадимæ баст ног закъоны проект

Ныхас дзы цæуы, ацы къабазы лæггæдтæн хæстæ фидыны æмгъуыд куы ахицæн уа, уæд сæ æнæбафиддонтыл банымайыны тыххæй. Документ равæрдтой палатæйы электрон базæйы. Закъоны проекты автортæ сты Паддзахадон Думæйы фæллой, социалон политикæ æмæ ветеранты хъуыддæгты фæдыл комитеты сæргълæууæг Ярослав Нилов, депутат Алексей Диденко, стæй сенатортæ Иван Абрамов æмæ Сергей Леонов. Сæ хъæппæрисмæ гæсгæ, Уæрæсейы цæрæнуæтты кодексы хъуамæ фæзына ног статья. Амынд дзы куыд уыдзæн, афтæмæй йæ хæстæ 3 азы `мгъуыдмæ чи нæ бафида, уыдон агургæ дæр нал сты. Дзырдæн зæгъæм, ныртæккæ тæрхондæттæ дæр фылдæр сæ куыст уыцы фæткмæ гæсгæ аразынц. Уый фыст ис проекты æмбарынгæнæн гæххæтты дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv