Хъыг кæнæм

Саударæн æртæ боны ахицæн сты. Кæрон сын скодта, абон изæрæй Дзæуджыхъæуы администрацийы раз цы акци уыдис, уый. Ам æрæмбырд сты бæрнон кусджытæ, æхсæнады минæвæрттæ, скъладзаутæ, студенттæ. Сæхи сæм хæстæг æрбалвæстой горæты цæрджытæ дæр. Иу дæр сæ куыдфæндыйы цæстæй нæ ракаст мадзалмæ. Иуæй-иутæ сæ цæссыг дæр нæ урæдтой. Адæм æдзард сывæллæтты номыл ссыгътой мыдадзын цырæгътæ, æрбахастой дон. Сывæллæттæ бакастысты нырыккон поэтты æмдзæвгæтæ, Беслæны цаутыл хъуыдыгæнгæйæ кæй ныффыстой, ахæмтæ. Зарæггæнджытæ акодтой зæрдæмæхъаргæ зарджытæ. Уыйфæстæ та æхсæвыгон арвы тарфмæ сæхи суагътой урс-урсид тымбылджытæ. Мадзалы кæронбæттæны йæ архайджытæ минут æдзæмæй алæугæйæ ссардтой царæфтыд амæттæгты нæмттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv