Æппæтуæрæсейон адæмон фронт æргом аздæхта Ирыстоны цæрджыты хъæстытæм

Æппæтуæрæсейон адæмон фронты фæсивæдон хайад регионалон операторы æргом аздæхта Дзæуджыхъæу æмæ Беслæны цæрджыты хъæстытæм. Адæм сæ фехъусын кодтой адæмон фронты комкоммæ бастдзинады телефонæй. Адæмон фронты уæнгтæ операторы æргом хъуыддагмæ куы аздæхтой, уый фæстæ Беслæны æртæ уынджы айстой æнæзакъон бырондоны хауæддзæгты контейнерты алыварс. Дзæуджыхъæуы та Весеннийы уынджы хауæддзæгтæ сæумæрайсом нал ласдзысты. Бырон ласыны сахат аивтой. Ацы  курдиæттæ адæмон фронты уæнгтæ райстой комкоммæ бастдзинады телефонæй. Цæрджыты курдиæттæм æхсæнадон кусджытæ æркастысты журналисттæ æмæ куыстуат «Эко-Альянс»-ы минæвæрттимæ. Компани у Цæгат Ирыстоны хъæбæр хауæддзæгты куысты сæйраг регионалон оператор. Æппæтадæмон фронты уæнгтæ куыд бамбарын кодтой, афтæ арæх цæрджытæ дæр аххосджын вæййынц, æнæзакъон бырондæттæ кæй сырæзынц, уым. Регионалон операторы минæвæрттæ ма фæбæрæг кодтой, бырондæттæ хæстæгдæр дуканиты аххосæй дæр кæй сырæзынц. Уыдоны хицæуттæ хъуамæ регионалон операторимæ бафыссой бадзырд, цæмæй сын сæ хауæддзæгтæ куыстуат ласа. Ацы хъуыддагмæ æркæсыны фæдыл æхсæнадон кусджытæ курдиат балæвæрдтой бынæттон администрацитæм. Ахæм рейдтæ Æппæтуæрæсейон адæмон фронты фæсивæдон хайады уæнгтæ аразынц æппынæдзух.  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv