Алайнаг гимназы ахуырадон системæйыл кусдзысты Башкортостаны

Алайнаг гимназы абон уыди цымыдисаг фембæлд. Уымæй хуымæтæг нæ. Нæ республикæйы Алайнаг гимназы райдиан кълæсты ахуыргæнджыты уроктæ федтой Башкортостаны æмæ нæ республикæйы ахуырады министрады кусджытæ. Фембæлды сæйраг фарста уыд - сбæрæг кæнын полилингвалон системæ йæхи куыд æвдисы, уый. Сабитæ лæмбынæг хъусынц ахуыргæнæгмæ. Дæтты сын цымыдисаг фарстатæ. Сывæллæттæн сæ фылдæр хай цæттæ сты дзуапп дæттынмæ. Раст дзуапп чи радта, уымæн къухæмдзæгъд. Кæд сывæллæттæй исчи исты нæ бамбæрста, уæд та йын æрмæг хуымæтæг, фæлæ ирон литературон æвзагæй радзурдзысты. Алайнаг гимназ ахæм домæнтæм гæсгæ кусы йæ дуæрттæ куы байгом кодта, уæдæй нырмæ. Цыбыр рæстæгмæ дæр бæрæг сты гимназы æнтыстдзинæдтæ. Цæмæй ахуырадон æрмæг цымыдисагдæр кæна, уый тыххæй æрвылбон ацы гимназы кусджытæ сæ фæлтæрддзинад бæрзонддæр кæнынц. Цыбыр рæстæгмæ сæм цы æнтыстдзинæдтæ ис, уыдонæй та ма пайда кæнынц иннæ скъолатæ дæр. Зæгъæм, æрæджы Башкортостаны делегаци уыди нæ республикæйы. Уыдон федтой, цавæр методикæтæй пайда кæнынц нæ ахуыргæнджытæ, уый. Куыд кусынц, уый делегацийы зæрдæмæ фæцыд. Уыйадыл сæ бафæндыд, Алайнаг гимназы цы уроктæ цæуы, уыдон ци цæстæй фенын æмæ базнонын. Башкортостаны минæвæрттæн фадат фæцис фенын Алайнаг гимназы урокты цыд. Ацы вебинармæ абон саккаг кодтой, ныртæккæ æппæт республикæйы полилингвалон системæмæ гæсгæ чи кусы, уыцы ахуыргæнджытæ, нæ республикæйы институты методисттæ æмæ æндæр бæрнон кусджытæ. Нæкуысаты Иринæ куыд загъта, афтæмæй полилингвалон системæйы ахадындзинад нæ республикæйы бæрæг дары. Сывæллæттæн æнцон у ирон литературон æвзагыл дзурын, уыимæ ма æппæт ахуырадон предметтæ мадæлон æвзагыл цæуын. Цæмæй сывæллæттæ цыбæл кæной ахуырмæ, уый тыххæй хатгай райдиан кълæсты предметтæ иугонд æрцæуынц. Уый фæрцы сывæллæттæ ног æрмæг æнцондæрæй æмбарынц. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv