Республикæйы астæуккаг ахуырады организациты арæзтады фарстаты фæдыл Сергей Меняйло æрныхас кодта, паддзахадон контракттæм гæсгæ дзы куыстытæ чи æххæст кæны, уыдонимæ. Ныртæккæ куыстытæ цæуынц цалдæр объекты, 32 скъолайы та кæронмæ æрхæццæ сты. Арæзтад æмæ архитектурæйы министр Моргуаты Константины ныхæстæм гæсгæ, арæзтадон мадзæлттæ æххæстгонд цæуынц фæткмæ гæсгæ. Ӕппæт хъуыддæгтæ фæуынвæд кæнынц ног ахуыры азы райдианмæ. Сергей Меняйло куыстытæ æххæстгæнджытæн бабар кодта хъуыддагмæ бæрнон цæстæй кæсын. Сывæллæттæ кæм ахуыр кæнынц, уыцы объекттты цалцæг хъуамæ уа хæрзхъæд. 2022-2023-æм азты Цæгат Ирыстоны сног кæндзысты 66 скъолайы. Уый фæдыл федералон бюджетæй рахай кодтой 3,5 млрд сомы. Куыстытæ æххæст кæнынц «Ахуырады райрæзты» паддзахадон прграммæмæ гæсгæ. Æмбырды ма ахуырад æмæ наукæйы министр Алыбегты Эллæ куыд фехъусын кодта, афтæмæй Цæгат Ирыстон курдиат балæвæрдта 2024-2025 азты программæйы архайды къæпхæнмæ. Бындуронæй ма сцалцæг кæнынвæнд кæнынц 70 скъолайы. Хæрдзты бæрц 4 млрд æмæ 400 милуан сомы. Нырма уал бардзырдтæ бафыстой 20 скъолаимæ.