Дзæуджыхъæуы 3 æм скъолайы уыд патриотон хъомылады бон

Дзæуджыхъæуы 3-æм скъолайы ахуырдзаутæ сæ каникултæ æрвитынц пайдаимæ. Ахуыргæнæндоны абоны бон снысан кодтой патриотон хъомыладæн. Мадзалы сæйраг нысан- фæсивæдæн бамбарын кæнын хъайтартæ æрмæст кинонывтæ æмæ чингуыты кæй нæ вæййынц. Уыдоныл фембæлæн ис æрвылбоны царды дæр. Скъолайы залы ацыд «Тайная школа юных героев», зæгъгæ, чиныджы презентаци. Уым хуымæтæг æвзагæй ныффыстой æцæгæй дæр цы цаутæ æрцыд уыдоны тыххæй. Чиныджы хъайтартæ- сабитæ. Уыдон кæд чысыл сты, уæддæр систы хъайтартæ. Чи дзы цæугæдоны чи ныгъуылд, уый фервæзын кодта. Чи дзы судзгæ хæдзарæй йæ кæстæр æфсымæры арты æвзæгтæй ратыдта. Уæдæ йе `нæниздзинад кæмæн фæцудыдта, ахæм адæмæн инернеты тыгъдады æххуыс чи агуырдта, ахæм хъайтартæ дæр разынд. Ахæм дæнцæджыты руаджы ахуыргæнджытæ сывæллæтты ахуыр кæнынц хæлардзинадыл, цæмæй кæйдæр фыдбылызы сæрты ма хизой. Алкæддæр уой цæттæ баххуыс кæнынмæ.  Уыимæ ма фæсивæдæн сарæзтой конкурстæ æмæ спортивон ерыстæ. Бафтаудзыстæм ма уый, патриотон хъомылады бонтæ æрыгон гвардийы уæнгтæ æппынæдзух фæаразынц сывæллæтты рæвдауæндæтты æмæ скъолаты. Сармат Шавлохов, руководитель регионального отделения «Молодой Гвардии»: «Ацы хъуыддаг цæмæ аразæм, зæгъгæ, нæ куы бафæрсат, уæд уын дзуапп ратдзыстæм. Цæмæй фæсивæд базоной æмæ банкъарой хъайтар чи у,уый. Хъæбатыртæ æндæр дунейыл нæ цæрынц, уыдон сты не `хсæн. Æрвылбондæр сыл æмбæлæм». Зыгъуытаты Светланæ, директор: «Ныртæккæ сабыр дуджы цæргæйæ дæр хъайтар суæвæн ис. Царды хи хъæбатырæй равдисын алкæддæр фадат вæййы. Æрмæстдæр уый миддунейæ цæуы. туджы хъуамæ, цæмæй искæй фыдбылызыл фæхъыг кæнай, уыимæ ма йæм æххуысмæ æрбацæуай. Ахæм мадзæлттæ æнæмæнг хъæугæ сты. Ахæм хуызы сабиты миддунейы гуыры лæгдзинады миниуджытæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv