Цæгат Ирыстоны райдыдтой сыгъдæг кæнын Терчы донвæд

Цæгат Ирыстоны райдыдтой сыгъдæг кæнын Терчы донвæд. Афонæй-афонмæ цæугæдон цы бырæттæй байдзаг вæййы, æмæ дон йемæ хæхтæй цы рахæссы, уыдонæй ныр цыбыр рæстæгмæ хъуамæ Терк сыгъдæггонд æрцæуа нæ республикæйы æрдзон æвæрæнты æмæ экологийы министрады хъæппæрисæй. Æдæппæтæй куыстытæ цæудзысты æртæ мæйы. Хъуамæ Красногвардейскæ-йы уынгæй суанг, Китайскæйы фæз кæй хонынц, ууылты цы донвæд цæуы, уый æмбæлгæ уавæрмæ æрцæуа. Ахæм куыстытæ цæуынц æрвылаз æрдзон æвæрæнты æмæ экологийы министрады руаджы. Æрæджы ма ссыгъдæг кодтой нæ республикæйы районты цæугæдæттæ дæр. Уыдон: Суадаг, Майрамадаг, Саниба æмæ иннæ хъæутæ. Донвæдæн йæ уавæр куы нæ банывыл кæной, уæд стыр зиан æрхæсдзæн адæмæн дæр. Уымæн æмæ æрцæудзысты донивылдтытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv