Кафты 'взагыл

Ансамбльтæ «Алан» æмæ «Лезгинкæ» Дзæуджыхъæуы радтой иумæйаг концерт. Зындгонд къордтæ равдыстой сæ репертуары хуыздæр кæфтытæ. Мадзал арæзт æрцыд «Мир сквозь танец» кæй хоннынц, уыцы проекты фæлгæты. Йæ сæйраг мидис у алыхуызон адæмыхæттыты хсæн хæлардзинад фидардæр кæнын æмæ иннæ адæмты культурæ кафты руаджы базонын. Ивгъуыд аз иумæйаг концерт артисттæ равдыстой Дагестаны. Проект аразджытæ фæнд кæнынц иннæ Уæрæсейаг сфæлдыстадон къордтимæ дæр иумæйаг программæтæ аразын. Кæронбæттæны та Цæгат Ирыстоны арæзт æрцæудзæн гала-концерт. Уым проекты цы ансамбльтæ бацархайдтой, уыдон иууылдæр равдисдзысты сæ хуыздæр кæфтытæ. Ирыстойнаг артисттæн уæлдай æхсызгон уыд уый, æмæ «Аланы» солисттæй иу – Елошвили Давидæн концерты фæстæ радтой республикæ Дагестаны сгуыхт артисты ном. Дзæуджыхъæуы дыууæ боны цы концерт æвдыстой, уый се`ппæты зæрдæмæ дæр фæцыд. Адæм дæр æмæ артисттæ дæ зæрдиагæй сæмбæлыдысты Дагестанæй уазджытыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv