Куыдзы бæллиц дæр хъуамæ æххæст кæна

Цы кадртæ уын равдисдзыстæм, уыдон нæм абон æрбарвыста Испанийы цæрæг ирон лæппу Хъулаты Олег. Куыдз дæр йæхи у. Оледжы бинонтæ йыл тынг æнувыд сты. Арæх тезгъо кæнынмæ иумæ рауайынц искуыдæм. Цæмæй хæдзары йæхи, куыд хъæуы, афтæ дара, уыйтыххæй йын Олег æрхъуыды кæны алыхуызон фæлтæрæнтæ. Куыдз афæллайы æмæ йæ уæд афынæй кæныны мæт йеддæмæ ницыуал вæййы. Цы кадртæ уынут, уым дæр ис иу ахæм тезгъойы рæстæг. Фæлæ дзы æваст куыдз дурæй амад къулыл цæмæдæр фемдзаст æмæ йæм маргъы миниуджытæ фæзынд. Йæ хуыцау æй уырдæм гæпп кæныныл ацардыдта. Æвæццæгæн, базыртæ йыл куы уыдаид, уæд бæргæ спæррæст кодтаид. Фæлæ йæ къæхтæ дæр куыд тыхджын сты, уый уæхæдæг уынут. Олегæн йæхимæ йæ хъæппæрисджын куыдз афтæ диссаг фæкаст, æмæ йæ видеомæ исын райдыдта. Раст зæгъгæйæ, æнхъæл нæ уыд, æмæ куыдзы къухы... уæвгæ, нæ! Къахы исты æнтыст бафтдзæн, уымæн. Фæлæ чи цы фæагуры, уый ссары, зæгъгæ, хуымæтæджы нæ фæзæгъынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv