Цæгат Ирыстоны фæнд кæнынц 9 спортивон фæзы æмæ 4 физкультурон-дзæбæхгæнæн комплексы саразын

Цæгат Ирыстоны афæдзы кæронмæ фæнд кæнынц 9 спортивон фæзы æмæ 4 физкультурон-дзæбæхгæнæн комплексы саразын. Уыцы хъуыддагæн радих кодтой 260 милуан сомы. Уый тыххæй фехъусын кодта республикæйы физкультурæ æмæ спорты министры хæдивæг Гулчеты Валерий. Спортивон фæзтæ æмæ физкультурон комплекстæ гом æрцæудзысты районты сæйраг центрты. Араздзысты сæ сæрмагонд программæ «Уæрæсейы физкультурæ æмæ спорты райрæзт 2016 - 2020 азты», зæгъгæ, уый   фæлгæты. Спорты бирæ хуызтæн чи бæззы, ахæм хъазæн фæзтæ фæзындзæн Тарскæ æмæ Советон поселоччы, Хъызлары, Ново-Осетинская, Ольгинскæйы, Архонкæйы, Нартыхъæуы, Виноградный æмæ Цæлыччы. Физкультурон-дзæбæхгæнæн комплекстæ та байгом уыдзысты Мæздæджы, Беслæны, Елхоты æмæ Дигорайы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv