"Электроцинк" райсом йæ куыст кæронмæ баххæст кæндзæн

"Электроцинк" райсом йæ куыст кæронмæ баххæст кæндзæн. Республикæйы разамынд æмæ Уралы хæххон-металлургон заводы хицæутты `хсæн бадзырдмæ гæсгæ 30-æм апрелæй фæстæмæ заводы æрлæууын кæндзысты 2 цехы: вельццех æмæ гидрометаллургон цех. Уырдыгæй ивгъуыд азы декабрæй нырмæ ластой куыстуаты хауæддзæгтæ. Сæйраг инженер Дмитрий Биндерайы ныхæстæм гæсгæ, консервацимæ цæттæгæнæн куыстытæ кæронмæ баххæст кодтой. Дзæуджыхъæуы куыстуатæй Челябинскы цинчы заводмæ аластой 23 мин тоннæйы хомаг. Уралмæ арвыстой 38 мин тоннæйы клинкер, 24 мин тоннæйы та - хауæддзæггтæ. Заводы кусджытæ 1-æм майæ фæстæмæ сæ мыздæн исдзысты сæ 2/3 хай. 31-æм майы та куысты тыххæй бадзырдтæ сæхгæндзысты. Компенсацитæ сын бафиддзысты закъонмæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv