Ахсджиаг фарстатæ

2020 азы кæронмæ Мæздæджы фæзындзæн дадзинтæ дзæбæхгæннæн центр. Ахæм хæслæвæрд республикæйы сæргълæууæг Битарты Вячеслав радта проектон офисы радон æмбырды. Йæ архайджытæ дзырдтой æнæнæниздзинад хъахъæхъæныны программæйыл. Дадзинтæ дзæбæхгæнæн центр саразыны разæй хъæуы техникон æмæ фæрæзтæ ссарæн мадзæлттыл бакусын. Центр хъуамæ æнæмæнг хаст æрцæуа Цæгат Ирыстоны фæндæгты картæмæ. Битарты Вячеслав хицауады сæрдар Тускъаты Таймуразæн бабар кодта медицинон кусæнгарз балхæнынимæ баст фарстатæм лæмбынæг æркæсын. Уыцы мадзæлттæн 2019 азы радих кодтой 140 милуан сомы. Республикæйы сæргълæууæджы ныхæстæм гæсгæ æнæниздзинад хъахъхъæнынады кусджытæн хъæудзæн медицинон хæдтæхæг балхæнын. Уый фыццаджыдæр бахъæудзæн тагъд æххуысæн хæххон хъæуты цæрджытæн. Уымæй уæлдай хæдтæхæг æнæмæнг хъæуы рынчынты æвæстиатæй Мæздæг кæнæ Хуссар Ирыстонæй æрласынæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv