Дзæуджыхъæуы цалцæг кæнынц фæндæгтæ

Дзæджыхъæуы Кировы номыл æмæ Ростовскаяйы уынгты ивынц фæндæгты уæлцъар. Цалцæджы афон дарддæр цæуы æмбæлгæ хуызы. Дзæуджыхъæуы администрацийы пресс-службæ куыд хъусын кæны, афтæмæй уал ныртæккæ æвæрынц асфальт Кировы номыл æмæ Ростовскаяйы уынгты. Ростовскаяйы уынгыл куыстытæ фæуд кæнынц. Фæндаджы уæлцъар ивд æрцыд, кусджытæ сæвæрдтой ног къæйдуртæ, фистæгæй цæуджыты фæндæгтæ дæр банывыл кодтой. Фæндагыл асфальты уæллаг цъар кæронмæ æвæрд куы ’рцæуа, уæд та бакусдзысты фæндаггон нысæнтыл. Уæ зæрдыл уын æрлæууын кæндзыстæм, куыстытæ цæуынц национ проект «Безопасные и качественные автомобильные дороги»- йы фæлгæты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv