Туризмы къабазы инвестицион проектты райрæзтыл ныхас Хицауады хæдзары

Цæгат Ирыстон фæнд кæны тагъд æмбырдгæнгæ фысымуæттæй пайда кæнын, фæлæ уый тыххæй хъæуы конкурсы рамбулын. Инвестицион проектæн цæттæ кæнынц хъæугæ гæххæтытæ. Хицауады хæдзары дзырдтой «Туризм и индустрия гостеприимства» нацпроектыл. Æмбырд амыдта Дзанайты Барис. Конкурсы хатдзæгтæм гæсгæ федералон бюджетæй регионтæн ратдзысты æхца фысымуæттимæ баст бизнес баххæст кæнынæн. Туризмы комитеты сæрдар Дзæрæхохты Ацæмæзы ныхæстæм гæсгæ, курдиæттæ исдзысты 11 майы онг. Туризмы рæзтыл чи архайы, уыцы инвестортæн хъæуы æххуыс кæнын - фæнысан кодта премьер.