Арвыкомы фæндаг та уал байгом æххæстæй

рвыкомы фæндаг та уал байгом æххæстæй. Ацæуыны бар ыл цалдæр сахаты размæ радтой куыд рог хæдтулгæтæн, афтæ уæзласæнтæн дæр. Уæ зæрдыл уын æрлæууын кæндзыстæм, фæндаг фæстаг бонты тынг къуылымпытимæ кæй куыста. Уый баст уыд боныхъæды уавæртимæ. Тынгдæр фæндаджы куыстыл бæрæг дардта, Гуырдзыстоны-иу митдзæгъдæн кæй систа, уый. Иу бонмæ-иу фæндаг цалдæргай хæттытæ байгом, фæлæ-иу бирæ нæ акуыста, афтæ та-иу æй сæхгæнын бахъуыд. Ныр, гæнæн ис, æмæ уавæр фæхуыздæр уыдзæн. Райсоммæ ма синоптикты бæрæггæнæнтæй зæрдæ нæ барухс уыдзæн - куыд зæгъынц, афтæмæй та нæ сæрмæ арвы дуар фегом уыдзæн. Фæлæ иннæбон æмæ уымæй дарддæр хъуамæ хуры цæст дæр ферттива. Температурæ, дам, фæбæрзонддæр уыдзæн, къæвдатæ та хъуамæ банцайой. Зæрдæ дардзыстæм, кæй нæ фæрæдийдзысты, ууыл, æмæ нæм, æцæгæйдæр, кæд искæд бон уалдзæг йæхи равдисид. Науæд ныл раст цыма зымæг ичъийау ныххæцыд, афтæ кæсы адæймагмæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv