Æфсæддон патриотон хъомыладæн æххуыс чи сты, ахæм æркастытæ

15 мин æрыгон армионæй фылдæр ис Цæгат Ирыстоны. Сæ нымæцмæ гæсгæ, нæ республикæ сæрмагонд хыгъды ахсы дыккаг бынат. Фæлæ, Битарты Вячеслав йæ ныстуаны куыд фæнысан кодта, афтæмæй ууыл нæ рынцайдзысты. Дарддæр ахадгæ куыст кæнын хъæуы, цæмæй фæсивæдæн æмбæлгæ уавæртæ уа. Ууыл алы æмвæзадыл дæр архайын хъæуы. Скъолаты ныртæккæ цæуынц æфсæддон-патриотон хъомыладæн æххуыс чи сты, ахæм æркастытæ. Иу ахæм конкурс сарæзтой Дзæуджыхъæуы 47-æм скъолайы дæр. 15 командæйы нæ республикæйы алы районты скъолатæй. Уыдоны 'хсæн куыд Дзæуджыхъæу, афтæ хъæутæй дæр. Уыдон иууылдæр æрбацыдысты 47-æм скъоламæ, цæмæй сæхи равдисой регионалон æфсæддон-патриотон æхсæнадон конкурс «Юнармия» кæй хонынц, уым. Æрвылаз конкурс «Юнармия»-йы архайджытæ фылдæрæй фылдæр кæнынц. Ныридæгæн нæ республикæйы ис 699 отряды, уым 15 мин æрыгон армионы бæрц. Ацы аз ахæм егъау конкурс фыццаг хатт арæзт æрцыд. Уыимæ дзы æрбамбырд сты дуне скъоладзаутæ. Уыдон иууылдæр регионалон къæпхæны уæлахиздзаутæ. Хайманты Барис, РЦИ-Аланийы ахуырад æмæ наукæйы министрады сæйраг специалист: «Æрыгон армионты Регионалон хайад нæ республикæйы кусы 3 азы. Уыимæ мах æрвылаз дæр аразæм мæнæ ахæм мадзæлттæ. Цæттæ кæнæм уый тыххæй, цæмæй скъоладзаутæ æмхиц кæной патриотон хъомыладмæ. Арæзт цæуы нæ республикæйы ахуырад æмæ наукæ, 58-æм Хуссар æфсæддон зылды минæвæрттæ, стæй нæ горæты фæсивæды хъуыддæгты фæдыл комитетимæ æмгуыстгæнгæйæ». Ацы мадзал арæзт цæуы Фыдыбæстæйы стыр хæсты Уæлахизы 75 азы æмæ Сталинграды хæсты номарæн азимæ. Уымæй уæлдай ардæм саккаг кодтой нæ республикæйы хицауады минæвæрттæ. Уыдон нын куыд бамбарын кодтой, атфæмæй ацы конкурстæ пайда сты фæсивæдæн. Алыккаты Алан, РЦИ-Аланийы ахуырад æмæ наукæйы министры хæдивæг: «Ахæм къордтæ ныртæккæ сты нæ республикæйы æппæт скъолаты дæр. Алы скъола дæр архайы, цæмæй ахуырдзаутæ æмхиц кæной патриотон хъомыладмæ. Уæдæ стыр пайда у, æмæ æрыгон армионты къорды цы лæппутæ ис, уыдон æфсады службæмæ дæр кæй цæттæ кæнынц, уый. Ныртæккæ командæтæ сты 15. Фæлæ фидæны хъуамæ фылдæрæй фылдæр кæной. Мах министрад уымæн араздзæн æппæт уавæртæ дæр».  Владимир Напшев, Уæрæсейы мидхъуыддæгты министрады цæгат Ирыстоны ветеранты советы сæрдар: «Мах æппынæдзух æрбахонынц ахæм мадзæлттæм. Зæрдиагæй æрбацæуæм. Тынг æхсызгон нын у, ахæм ерыстæ арæзт кæй цæуынц, уый. Мæнмæ гæсгæ, хъуамæ скъолаты дæр фылдæр уой сæрмагонд уроктæ, цæмæй сывæллæтты зонындзинæдтæ уæрæхдæр кæной». Алы къордæн дæр скодтой æмбæлгæ хатдзæгтæ. Алчидæр сæ райсдзæн зæрдылдарæн лæвæрттæ æмæ кады гæххæттытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv