Дарæсы кондад республикæйы ацы аз фæфылдæр 4,2 хатты
Таухъазахты Валентинæ Æрæфы хуыйæн фабрикæйы кусы 23 азы. Уыдонæй фæстаг 15 азы кæрдджыты цехы. Йæ куыст зоны æмæ йæ уарзы. Йæ ныхæстæм гæсгæ, фабрикæмæ бахауд æнæнхъæлæджы. Ахуыр фæци базарадон училищæ, хуыйын нæ зыдта. Алцæуыл дæр ам сахуыр. Цы куыст равзæрста, ууыл фæсмон нæ кæны. Хуыйæн фабрикæйы кусы 100 адæймагмæ хæстæг. Кæрдджыты цехæй уæлдай ма дзы ис, хуыйджыты цех дæр. Кусæн быннæттæ иуылдæр ифтонггонд сты ног æмæ нырыккон кусæнгарзтæй. Ам фылдæр цæттæ кæнынц сæрмагонд дарæс. Афӕдзмӕ - 50 минмæ хæстæг алыхуызон дзаумайы. Сæ иумæйаг аргъ вæййы 100 милуан соммæ хæстæг. Зæгъæм, ныртæккæ Белгородмæ æрвитинаг сты 40 къоппы. Алкæцыйы дæр дзы 10 костюмы антистатикон æрмæгæй хуыд. Ацы къуырийы кæронмæ арвиттдзысты 1 мин костюмы. Фыццаг бакастæй куыстуат у æнтыстджын. Фæлæ дзы лыггæнинаг фарстатæ дæр ис. Сæйрагдæг у, кусджытæ дзы кæй нæ фаг кæны. Фылдæр адæм дзы куы кусид, уæд кондады бæрцуат дæр фылдæр уаид. Абон фабрикæйы ис дæсгай уæгъд бынæттæ. Æрæфы хуыйæн фабрикæйыл цæуы 50 азы. Уыцы рæстæгмæ дзы æнгом коллектив сырæзт. Фæлтæрдджын кусджытæ сæ дæсныйады сусæгдзинæдтæ æрыгæттæн не 'вгъау кæнынц. Уый та тынг вазыгджын у æнтыстджын куыст саразынæн. Æмткæй райсгæйæ республикæйы промышленнон кондады индекс сырæзт 110,6%-мæ. Дарæсы кондад та фæфылдæр 4,5 хатты.
Таухъазахты Валентинæ Æрæфы хуыйæн фабрикæйы кусы 23 азы. Уыдонæй фæстаг 15 азы кæрдджыты цехы. Йæ куыст зоны æмæ йæ уарзы. Йæ ныхæстæм гæсгæ, фабрикæмæ бахауд æнæнхъæлæджы. Ахуыр фæци базарадон училищæ, хуыйын нæ зыдта. Алцæуыл дæр ам сахуыр. Цы куыст равзæрста, ууыл фæсмон нæ кæны. Хуыйæн фабрикæйы кусы 100 адæймагмæ хæстæг. Кæрдджыты цехæй уæлдай ма дзы ис, хуыйджыты цех дæр. Кусæн быннæттæ иуылдæр ифтонггонд сты ног æмæ нырыккон кусæнгарзтæй. Ам фылдæр цæттæ кæнынц сæрмагонд дарæс. Афӕдзмӕ - 50 минмæ хæстæг алыхуызон дзаумайы. Сæ иумæйаг аргъ вæййы 100 милуан соммæ хæстæг. Зæгъæм, ныртæккæ Белгородмæ æрвитинаг сты 40 къоппы. Алкæцыйы дæр дзы 10 костюмы антистатикон æрмæгæй хуыд. Ацы къуырийы кæронмæ арвиттдзысты 1 мин костюмы. Фыццаг бакастæй куыстуат у æнтыстджын. Фæлæ дзы лыггæнинаг фарстатæ дæр ис. Сæйрагдæг у, кусджытæ дзы кæй нæ фаг кæны. Фылдæр адæм дзы куы кусид, уæд кондады бæрцуат дæр фылдæр уаид. Абон фабрикæйы ис дæсгай уæгъд бынæттæ. Æрæфы хуыйæн фабрикæйыл цæуы 50 азы. Уыцы рæстæгмæ дзы æнгом коллектив сырæзт. Фæлтæрдджын кусджытæ сæ дæсныйады сусæгдзинæдтæ æрыгæттæн не 'вгъау кæнынц. Уый та тынг вазыгджын у æнтыстджын куыст саразынæн. Æмткæй райсгæйæ республикæйы промышленнон кондады индекс сырæзт 110,6%-мæ. Дарæсы кондад та фæфылдæр 4,5 хатты.