ЦИПУ-йы ацыд Уæрæсейы географион æхсæнады республикон хайады æрвылазон фембæлд

Цæгат Ирыстоны паддзахадон университеты уыд Уæрæсейы географион æхсæнады æрвылазон фембæлд. Мадзалы архайджытæ скодтой ивыгъуыд азы куыстæн хатдзæгтæ, стæй сфидар кодтой фидæны азы куыстыты пълан дæр. Ивгъуыд аз æхсæнадæн рауад ирд æмæ хъæздыг. 2022 азы сæ къухы бафтыд Хъазыбеджы æмæ Джимарайы геологон парчы проект саразын. Уымæй уæлдай ма бакуыстой, сӕрмагонд хъахъхъæд цы æрдзон бынæттæ цӕуынц, уым экологон балцвæдты наукон-методологон модель саразыныл. Экскурсион балцвæд дæр сæвзæрд йæ фæлгæты. Фембæлды ма географион æхсæнады ног уæнгтæн радтой сæрмагонд æвдисæндартæ. Организаци кодта наукон-ахуырадон, рухстауæн куыст. Уæлдай æргом аздæхтой æрдзхъахъхъæнынадмæ фæсивæды æмхиц кæныны фарстамæ. Уымæй уæдай ма дзырдтой скъоладзаутæм географийы уроктæм цымыдисдзинад æвзæрын кæныныл дæр.