Ахуыры хатдзæгтæ

Гергиты Валерийы номыл Аивæдты колледжы студенттæ хорз лæвар ракодтой адæмæн. Ахуыры азы кæрон республикæйы цæрджытæн равдыстой дзуапдæттæн концерт. Се сфæлдыстадон изæр бабастой колледжы 80-ай азы юбилеймæ. Ахуырдзаутæ концерт радтой паддзахадон симфоникон оркестримæ иумæ, йæ дирижер – Гугкаты Зауырбег. Фортепианойы, фугæнæн æмæ хъисджын инструментты хайæдты студенттæ хицæн номыртæ бацæттæ кодтой. Аивадуарзджытæн акодтой Моцарт, Чайковский, Рахманинов æмæ æндæр композиторты уацмыстæ. Ахæм бæрæгбон аивæдты колледжы студенттæ бацæттæ кæнынц алы аз дæр. Концерттæ пайда сты студентты курдиат раргом кæнынæн, разæнгард сæ кæнынц сæхиуыл хуыздæр кусынмæ, фæзыны сæм уæлдæр бæрзæндтæм схизынмæ тырнындзинад. Уый сын хæссы фæлтæрдзинад, ахуыр кæнынц сценæйыл хи раст дарыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv