Цалцæггæнæн куыстытæн «Россети Цæгат Кавказ» рахай кæндзæн 200 милуан сомы

«Россети Цæгат Кавказ» рахай кæндзæн Цæгат Ирыстонæн цалцæггæнæн куыстытæн 199 милуан 407 мин сомы. Уый фаронимæ абаргæйæ у 8% фылдæр. «Цæгаткавказэнерго» -йы филиалы бæрны цалцæггæнæн куыстыты сæрмагонд программæ 2020 азæн фидаргонд æрцыд. Филиалы специалисттæ рацараздзысты электрон тыхы телты 275 километры. Базилдзысты 101 транформаторон подстанцæмæ, уыимæ ма 76 подстанцæйы кусæнгæрзтæ сног кæндзысты. Энергетиктæ баивдзысты æмæ ныффидар кæндзысты 806 цæджындзы æмæ сбæрæг кæндзысты 4 мин 300 изоляторы уавæр. Æппæты фылдæр куыстытæ цæудзысты хъæуты. Æргом аздахдзысты республикæйы социалон инфраструктурæйы электрон тыхы ифтонгадмæ. Цы объекттæм базилдзысты, уыдонæй электрон тых цæуы 36 хъæумæ. Се ’хсæн Уæллаг Зджыд, Дигора, Цыкола, Æрыдон æмæ æндæртæ. Сæрмагондæй ныссыгъдæг кæнын хъæудзæн, электрон тыхы телтæ чи хъыгдары, уыцы къудзитæ æмæ бæлæсты къалиутæ. Афæдзы дæргъы специалисттæ базилдзысты электрон тыхы телты фæзуаты 26 гектармæ. Уыцы куыст хуыздæрырдæм сахаддзæн электрон тыхы ифтонгады хæрзхъæддзинадыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv