Хæдахуыр фæрдгуытæ

Амбылдтай, Алихан! Нæ республикæйы курдиатджын фæсивæд ма сæ арæхстдзинад абон æвдыстой æндæр жанры дæр. Хæдахуыр театралон къордтæ аивадон тохы бацыдысты сценæйыл. Фестиваль «Амыраны рухс» æртыккæгæм хатт сарæзтой Дзæуджыхъæуы. Архайдтой дзы нæ республикæйы алы районты сфæлдыстадон къордтæ. Спектакльтæ æмæ театралон скъуыддзæгтæ хæдахуыр артисттæ равдыстой ирон æвзагыл. Аразджыты сæйрагдæр хæс уыд æвзонг артистты театралон традицитæ æмæ ирон драматургиимæ базонгæ кæнын. Мадзал бабастой ирон драматургийы бындурæвæрæг Брытъиаты Елбыздыхъойы гуырæн бонимæ. Аивадон цау сарæзтой республикæйы фæсивæды хъуыддæгты фæдыл комитет æмæ фæсивæдон театр «Амыран»-ы минæвæрттæ. Мæ цæхæрцæст æмкусæг Брытъиаты Феликс йæхæдæг дæр актерыл ахуыр кодта. Уымæ гæсгæ йæм цымыдисаг фæкаст, фестивалы тыххæй мæнæ ацы æрмæг сисын. Æлдаттаты Алымбегыл цæуы 10 азы. 4 дзы архайы театралон хæдахуыр къорды. Йæ зæрдæмæ цæуы. Райгуырд Бруты, ахуыр та кæны Беслæны. Фестиваль «Амыраны рухс»-ы архайы дыууæ скъолайы номæй. Йæхи бацæттæ кодта бæстонæй. «Амыраны рухс» тæмæн ссыгъд алы районы минæвары цæсгомыл дæр. Сты сæ тæккæ курдиатджындæртæ. Конкурсы фыццаг къæпхæны æнтыстджынæй бацархайдта Æрыдоны 1-æм скъолайы театралон студи. «Амыраны рухс» фæхæццæ кæны йæ кæронмæ. Республикæйы йæ сарæзтой æртыккаг хатт. Ууыл бакуыстой фæсивæды хъуыддæгты фæдыл комитет æмæ фæсивæдон театры минæвæрттæ. Цин кæнынц сывæллæттæ дæр. Конкурсы руаджы базонгæ вæййынц се `мгæрттимæ районтæй, равдисынц сæ курдиат. Декорацитæ - амæй-ай хуыздæр. Уæлæдарæсмæ дæр уæдæ сæрмагонд цæстæнгас. Репертуар алывæрсыг. Исценировкæтæ æвæрд сты æрмæстдæр ирон æвзагыл. Хатгай афтæ рауайы æмæ æвзонг актертæ рынчын дæр фæвæййынц. Сывæллæтты национ театрты республикон фестиваль «Амыраны рухс» архайдтой 100 къордæй фылдæр. Сæ арæхстдзинад æвдисынц 6 номинацийы - драмон спектакль, ирон аргъау, аив кæсынæй, эстрадон-сатирикон миниатюрæ, фольклорон æвæрдтытæ æмæ сфæлдыстадон эксперимент. Кæронбæттæнмæ рацыдысты хуыздæртæ. Финалы мадзæлттæ цыдысты Дзæуджыхъæуы фæсивæдон галуаны. Мадæлон æвзаджы райрæзмæ ахадгæ æвæрæн хæссын æмæ цæхæрцæст актерты ног нæмттæ рæхджы рабæрæг уыдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv