Райдыдта Уæрæсейы президенты æвзарæн кампани

Центрон æвзарæн къамисы æмбырды журналистты базонгæ кодтой æвзарæн æмæ сæ агъоммæ мадзæлтты фæткимæ. Цæгат Ирыстоны ис æртæсæдæ цыппор авд æвзарæн хайады. Æстдæсæм мартъийы иууылдæр кусдзысты. Дыууын хайады дзы æрбаныт кодтой, адæм рæстæгмæ кæм æрцардысты, ахæм бынæтты. Цыппар участочы та хъæлæс кæныны бар уыдзæн, регистраци кæмæн нæй, ахæм адæмæн. Йе `нæниздзинад хъыгдард кæмæн у, уыдонæн фадат уыдзæн сæ граждайнаг хæс сæххæст кæнынæн – куыд иннæ азты, афтæ сæм ацы хатт дæр æвзарæн къамисы уæнгтæ æрбацæудзысты сæ хæдзæрттæм. Йæ бон æнæ искæй æххуысæй цæуын цæуын кæмæн нæу, ахæм рынчынтимæ участоктæм цæудзысты бархионтæ. Алы хайады та рад хæсдзысты тагъд æххуысы бригадæтæ. Уымæй уæлдай ма алы участочы кусдзысты камерæтæ. Æвзæрстытæ куыд цæуынц, уымæ кæсдзысты æхсæнадон цæстдарджытæ. Республикæйы 60 участочы фыццаг хатт сæвæрдзысты бюллетентæ нымайæн прибортæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv